ايقنت للدنيا وجيهن غير عن كل الوجيه= تضحك وتخفي في لياليها شنيع صدوفها
والعلم واضح للعرب والراي مقدي للنبيه=معروفها لا مدته ما يكتمل معروفها
لذة سعدها للردي واللي يطاردها سفيه=عينه تشره يوم لد ابها وغرر شوفها
دنياً غريبه تنكبك من غير كيف وغير ليه=تسوق لك عقب الفرح ضيقاتها وحتوفها
تبيع ضحكات الاوادم بالريال وبالجنيه=وازرت على سوق الفرح ما خصصت مصروفها
لو كل همن بالليالي تبتديه وتنتهيه=ما مدّت الضيقه كدر ميّاتها والوفها
من صد عنها وابتعد تركض له بشوق وتجيه=واللي يبيها ما يحصل غير عرض كتوفها
طبع البنادم ما يبي غير الذي ماهو يبيه=خصله توارثها البشر لين احتوتها وصوفها
كيد الزمن ما ينومن لا تامنه يامرتجيه=ما كل بقعه للطواف اتمرّها واتطوفها

ياليل جرحي ثمان سنين ساهربه= تعبت اشوف المدامع تقهر احداقـي
من مات حلمي وانـا هايـم وافكربـه= اعمى وادور مكـان الحلـم بااوراقـي
اجهر بصمتي وانـا مـاودي اجهربـه= اخاف ابوح الألم وتقل عشــاقي
من وين ادور عـذر لجـل اتعـذربـه= ان قلـت محتـاج كـلٍ وده افـراقـي
اتبع سنا البرق ضامي واتباشربه= واقول يمكن يحس الغيم باارهاقي
الحزن من ويـن مااقفـي مسافربـه= ابكي وضاق الفضا من ضيقة اخلاقـي
الفقر ذل وغبـن واحسـاس باالغربـه= والجرح خيبة امل في نظـرة الهاقـي
والحلـم فـلاح وايـــام العمـر تربـه= يزرع بقـاع فقيـر وينتظـر ساقـي
يغريني الصبر والكربه هـي الكربـه= ياوقت غير السهر والضيم وش باقي!!!

سلام مني عليكم - ياهل الوفاء و المواجيب=ردية ٍ من ضميري - تسوى من الارض ثلثين
محمد افطر ولا صام - ضاع الشهر ونفرا الجيب=واهل اللحى فالمساجد - يا حظكم يا هل الدين

من بنات الفكر لي خيلٍ اصايل=والاصايل فاخر الجوله تفوز
لاسرجت خيول فكري بالجزايل=قدم عيني قامت الجزله تنوز
عن جزيل القاف مارضى بالبدايل =مايجوز بنظرتي مالايجوز
يوم غيري فكرته شابت تمايل=بنت فكري ناضجه ماهي عجوز
لاكتبت اكتب من احساسي مثايل=تعجب اللي يهتوي فك الرموز
من قصيد اليوم دم الشعر سايل=ليت بعض الناس عن نظمه يجوز
من طراله قاف جاب القاف عايل=ماعليه من الترابط والنشوز
لو يقولون العرب ماني بقايل=غير قولن للرضى منكم يحوز